einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9884 und die dar umbe niht westen,die vrâgeten von den gesten wiez umbe si wære gewant, unz inz Êrec tete erkant. hie emphie der valsches vrîe 9889 von al der massenîe sîner arbeit ze lône alsô der êren krône daz er zem prîse wart geseit daz von grôzer manheit 9894 nieman zer werlde kæme tiurre oder baz genæme, wan nie manne von den landen sô grôz dinc wære erstanden von rîcher âventiure. 9899 wan daz vrou Sælde ir stiure gap sîner ammen diu sîn phlac dô er in der wagen lac, sô enmöhtez nimmer sîn geschehen. als si die vrouwen heten gesehen, 9904 daz dûhte si ein vremdiu sache. |