einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3490 nû sageten si im diu mære,war umbe si ûz wæren komen, als ir ê habet vernomen, als in des nahtes beiden von gote wart bescheiden,3495 daz er in hæte genant, selbe erwelt und erkant und ze rihtære gesat hie en erde an sîn selbes stat. Als er die botschaft vernam,3500 wie nâhen ez sînem herzen kam! dô sancte der gotes werde daz houbet zuo der erde. mit manigen trahen er sprach, daz er si nie an gesach:3505 'sît ir kristen liute, sô êret got hiute und gât vil drâte von mir, wande ich der êren wol enbir daz mir diu gnâde iht geschehe3510 daz ich iemen guoter ane sehe |