einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3742 gegen Rôme erhaben wart,dô sâhen si dicke under wegen daz der gereite gotes segen disses reinen mannes phlac mit vlîze naht unde tac.3747 si engeruorte ûf der reise nie dehein wegevreise: ir spîse erschôz in alsô wol daz ir vaz ie wâren vol, swie vil si dar ûz genâmen,3752 unz si ze Rôme kâmen. Von einen gnâden ich iu sage. vor der kunft drîer tage dô wart ze Rôme ein michel schal: sich begunden über al3757 die glocken selbe liuten und kunten den liuten daz ir rihtære schiere künftic wære. dâ kôs wîp unde man3762 sîne heilikeit wol an. |