einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3072 mit vrœlîchem schalle:wand im was komen mære wie in gelungen wære: er saget in gnâde unde danc, daz in sô ofte wol gelanc.3077 swer gerne vrümeclîchen tuot, der dem gnâdet, daz ist guot: in gezimt der arbeit deste baz. swâ man mit worten hie gesaz, diu rede was wan von in zwein.3082 nû kam mîn her Îwein in einen seneden gedanc: er gedâhte, daz twelen wær ze lanc, daz er von sînem wîbe tete: ir gebot unde ir bete3087 diu heter übergangen. sîn herze wart bevangen mit senlîcher triuwe: in begreif ein selch riuwe daz er sîn selbes vergaz3092 und allez swîgende saz. |