einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3100 mînen künftegen ungewin:sus nâhte im sîn leit. nû seht wâ dort her reit sîns wîbes bote, vrou Lûnete, von der râte und von der bete3105 daz von êrste was komen daz sî in hâte genomen. sî gâhte über jenez velt unde erbeizt vür diu gezelt. als schiere sî den künec sach,3110 dô kam sî vür in unde sprach 'Künec Artûs, mich hât gesant mîn vrouwe her in iuwer lant: unde daz gebôt sî mir daz ich iuch gruozte von ir,3115 und iuwer gesellen über al; wan einen: der ist ûz der zal: der sol iu sîn unmære als ein verrâtære. daz ist hie der her Îwein,3120 der niender in den siten schein, |