Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4527 der er vil gerne enbære.
        welt ir ein vremde mære
        hœren, daz wil ich iu sagen.
        ez kam in disen siben tagen
        ein rîter geriten dar
4532 und nam des vil rehte war
        daz er zen selben stunden
        die von der tavelrunden
        umbe den künec sitzen sach.
        er erbeizte vür in unde sprach
4537 'ich bin ûf gnâde her komen.
        herre, ich hân von iu vernomen
        die milte und die vrümekheit,
        ich gedinge mir sî unverseit
        ein gâbe der ich von iu ger:
4542 nâch der bin ich komen her.'
        dô sprach der künec Artûs
        'swaz ir gebietet hie ze hûs,
        des sît ir alles gewert,
        ist daz ir betelîchen gert.'
4547 Er sprach 'daz sult ir an mich lân.
[ zurück ]