einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5300 und zewâre er müese ouch sâdie juncvrouwen brinnen sehen. er sprach 'desn sol niht geschehen.' sus muose der lewe hôher stân: dochn mohter des niht verlân5305 ern sæhe über den rücke dan sînen herren wider an. Sus sint diu wort hin geleit, und wurden ze strîte gereit. sî wâren alle viere5310 ze orse komen schiere und liezen von ein ander gân, dazs ir puneiz möhten hân, und triben alle drî dan wider ûf ten einen man,5315 swaz diu ors mohten gevarn. dar under muoser sich bewarn dar nâch als ein wîser man der sîne rîterschaft wol kan und sîne kraft mit listen5320 ze rehten staten vristen. |