einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein8017 Dô riten sî ze hûse dan,und in bekam dâ wîp noch man. daz envuocte ouch anders niht niuwan ein wunderlich geschiht, daz sî dâ nieman rîten sach8022 unz sî ergriffen ir gemach. dô gienc vrou Lûnete dâ sî an ir gebete ir vrouwen alters eine vant, unde saget ir zehant8027 daz er komen wære. done hete sî dehein mære alsô gerne vernomen. sî sprach 'nû sî er willekomen. ich wil in harte gerne sehen,8032 swie daz mit vuoge mac geschehen. genc hin zuo im unde ervar, wil er her, od sol ich dar? daz sî: wan ich bedarf sîn. er gienge nâch mir, bedorfter mîn.'8037 Vil schiere brâht in vrou Lûnete. |