Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1696 die huobe die mir mîn vater lie.
        sît ez mir nû sô geziuhet
        daz mich diu Sælde vliuhet
        und ich niuwan ir gruoz
        mit vrümikeit gedienen muoz,
1701 dêswâr ich kan si wol erjagen,
        si enwelle sich mir mê versagen
        dan si sich noch ieman versagete
        der si ze rehte jagete.
        sus sol man si erloufen,
1706 mit kumber sælde koufen.
        dâ enzwîvel ich niht an,
        wirde ich ein rehte vrumer man
        an lîbe und an sinne,
        ichn gediene wol ir minne:
1711 unde bin ich aber ein zage,
        so enmüeze ich niemer drîe tage
        geleben, so ich hinnen kêre.
        waz solde ich âne êre?
        ob ich mit rehter arbeit,
1716 mit sinne und mit manheit
[ zurück ]