Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1463 büezen swaz er ie getete,
        und gewerte mich einer bete,
        daz er mich lieze varn mit dir.
        waz sol ich, swenne ich dîn enbir?
        waz sol mir guot unde lîp?
1468 waz sol ich unsælic wîp?
        ouwê daz ich ie wart geborn!
        ouwê wie hân ich dich verlorn?
        ouwê, trûtgeselle.
        got versperre dir die helle
1473 und gebe dir durch sîne kraft
        der engel genôzschaft:
        wan dû wær ie der beste.'
        ir jâmer was sô veste
        daz sî sich roufte und zebrach.
1478 dô daz her Îwein ersach,
        dô lief er gegen der tür,
        als er vil gerne hin vür
        zuo ir wolde gâhen
        und ir die hende vâhen.
1483 Dô daz diu juncvrouwe ersach,
[ zurück ]