Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

880 ob ich tugent hæte.
      doch hât ez mich gerûwen sô fruo
      daz ich ez noch widertuo;
      wan swenne ich gewenke dar an,
      so gehazze mich wîp und man,
885 ich enwelle nâch êren ringen,
      swie vil ich des mac bringen.
      Ich wæne dich gevürdert hân.
      dû maht ez ûz dem muote lân
      daz dehein dîn meisterschaft
890 an mir neme die kraft
      daz ich durch valschen rât
      gegen deheiner missetât
      gewinne ie deheinen muot.
      mîne sinne sint sô guot,
895 vil bezzer dan die dîn.
      dû muost mir gehôrsam sîn;
      sô verre dû daz niht entuost,
      sô wizze daz dû haben muost
      manige müelîche zît:
900 ez wirt ein êwiger strît.

[ zurück ]