Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4925 mit sîner geiselruoten
        daz sî über al bluoten.
        die herren riten ungeschuoch:
        ir hemde was ein sactuoch,
        gezerret, swarz, unde grôz:
4930 die edelen rîter wâren blôz
        an beinen unde an armen.
        den gast begunde erbarmen
        diu grôze nôt die sî liten.
        ir pfärit wâren, diu sî riten,
4935 tôtmager und vil kranc:
        ir ietwederz strûchte und hanc.
        die vüeze wâren in unden
        zesamene gebunden
        und die hende vaste
4940 ze rücke mit baste.
        den gurren die sî truogen hin,
        den wâren die zagele under in
        zesamene gevlohten,
        daz sî niene mohten
4945 ein ander entwîchen.
[ zurück ]