Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6976 der liebest den er ie gewan.
         Sît daz der kampf wesen sol,
        sô zimt in daz beiden wol
        daz sî enzît strîten.
        wes mugen si iemer bîten?
6981 dâ ist diu state unde der muot.
        ouch wâren diu ors alsô guot
        daz sî daz niht ensûmde.
        ir ietweder rûmde
        dem andern sînen puneiz
6986 von im vaste unz an den kreiz:
        der was wol rosseloufes wît.
        ze orse huop sich der strît.
         Sî mohten wol strîten,
        wand sîs ze den zîten
6991 niht êrste begunden.
        wie wol sî strîten kunden
        ze orse und ze vuoze!
        ez was ir unmuoze
        von kinde gewesen ie:
6996 daz erzeicten sî wol hie.