einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8091 vor dirre leidigen vart,daz er iht wære komen, wan hie wirt im der lîp benomen. ouwê dû vil armez wîp! wie dû queltest dînen lîp, 8096 ob dû möhtest wizzen wol waz dir hie geschehen sol! wie dîniu liehtiu ougen mit trüebe suln verlougen daz si sô spillîchen stânt 8101 unde kumbers niht enhânt, unde dîn vil rôter munt, der die liute hie zestunt dir engegen lachen tuot! und wie dû dînen gelphen muot 8106 mit leide verkiusest, sô dû dînen man verliusest!" si klageten eht alle. diz geschach niht mit schalle: ez wart mit murmel getân, 8111 daz er sichs iht solde entstân. |