Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5587 diu vil wegemüede nôt
        daz er nam daz man im bôt.
        man mac den gast lîhte vil
        geladen der belîben wil.
        im wart daz tor ûf getân:
5592 dô sach er engegen im gân
        rîter unde knehte,
        die in nâch sînem rehte
        enpfiengen unde gruozten
        und im vil gerne buozten
5597 kumber unde sîne nôt,
        als in ir herre gebôt,
        der selbe engegen ime gienc
        und in vrœlîch enpfienc
        und schuof im selhen gemach
5602 daz er wol an den werken sach
        daz sîn wille und sîn muot
        was reine unde guot.
        im wart vil harte drâte
        ein heimlich kemenâte
5607 ze sîner sunder gereit,
[ zurück ]