Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

730 der allez mankünne
      geschuof und in sîner gewalt hât,
      der gebe uns heil unde rât
      daz ich noch daz erringe
      daz uns an ir gelinge.
735 Des gewerbes, unz ich daz leben hân,
      lâz ich dich niemer abe gân.
      von diu vernim, lîp, waz dû tuo.
      grîf vil manlîchen zuo,
      wan ich erlâze dich sîn niht.
740 swaz kumbers dir dâ von geschiht,
      des zel mir diu zwei teil.
      jâ stât ez alsô umb daz heil:
      im enist ze nieman gâch,
      er enwerbe dar nâch;
745 ez lât sich vil gerne jagen
      und entrinnet ouch dem zagen;
      swâ ez den lôsen jagære siht,
      den enlât ez sich vâhen niht;
      ez kan mit listen fliehen.
750 man sol im zuo ziehen
[ zurück ]