einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3146 ob si imz torste gesagenoder solde gedagen, nû redete si in ir muote: "rîcher got der guote, ze dînen genâden suoche ich rât: 3151 dû weist al eine wiez mir stât. mîner sorgen der ist vil, wan mir ein unsenftez spil in einer alsô kurzen vrist ze gâhes vor geteilet ist. 3156 nû enkan ichz wægeste niht ersehen: waz sol mir armen geschehen? wan swederz ich mir kiese daz ich doch verliese. warne ich mînen lieben man, 3161 dâ genim ich schaden an, wan sô hân ich den lîp verlorn. wirt aber diu warnunge verborn, daz ist mîns gesellen tôt. jâ ist einer selhen nôt 3166 wîbes herze ze kranc." |