Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

877 und dem ein widergelt geseit.
      ir ietweder woldez lâzen:
      wan dem wære verwâzen
      beidiu sîn êre und ouch daz leben.
      dar nâch sô wart daz spil gegeben
882 mit manegem viurînen slage
      von vruo unz hin nâch mittem tage,
      daz in der gebote zeran
      sô sêre daz die zwêne man
      muoden begunden:
887 si enmohten noch enkunden
      ir mit kreften niht gelegen
      noch die arme alsô geregen
      als si tâten unze dar.
      nû hâten si sich alsô gar
892 erwüetet und ervohten
      daz si niht mêre mohten.
      ir slege wîplîchen sigen:
      sô garwe wâren si erwigen
      daz dâ von niht schade geschach.
897 Îdêrs dô ze Êrecke sprach:
[ zurück ]