einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1376 in disen niuwen sorgener gedâhte im grôzer swære, ob disiu rede wære ein lüge oder ein wârheit, die sîn amme hete geseit,1381 unde gâhte dô zehant ze klôster, dâ er den abbet vant, und nam den getriuwen man von den liuten sunder hin dan. Er sprach: 'vil lieber herre,1386 ich enkan iu niht sô verre gedanken mit dem munde, als, ob ich kunde, vil gerne tæte. nu belîbe ich dar an stæte1391 daz ich unz an mînes tôdes zil den dar umbe biten wil der deheiner guottât niemer ungelônet lât daz er iu des lône1396 mit der himelischen krône |