einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1569 ich sage iu, sît der stundedaz ich bedenken kunde beidiu übel unde guot, sô stuont ze ritterschaft mîn muot. ich enwart nie mit gedanke1574 ein Beier noch ein Vranke: swelh ritter ze Henegouwe, ze Brâbant und ze Haspengouwe ze orse ie aller beste gesaz, sô kan ichz mit gedanken baz.1579 herre, swaz ich der buoche kan, dâ engerou mich nie niht an und kunde ir gerne mêre: iedoch sô man mich sêre ie unz her ze den buochen twanc,1584 sô turnierte mîn gedanc. sô man mich buoche wente, wie sich mîn herze sente und mîn gedanc spilte gegen einem schilte!1589 ouch was mir ie vil ger |