einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1976 daz was sîn unmuoze.des wart er schiere mære: swenne die burgære an die vîende kâmen, swelhen schaden si dâ nâmen,1981 sô vergie in selten daz er engetæte ie etewaz dâ von er wart ze schalle und ze prîse vür si alle. Daz treip er unz ûf die stunde1986 daz er wesen kunde ritter swie man gerte, ze sper und ze swerte. als er die kunst vil gar bevant tägelichen mit der hant1991 und er benamen weste daz er wære der beste, daz er hæte ellen unde kraft und ganze kunst ze ritterschaft, dô êrste wart sîn vrävele grôz.1996 wie lützel in der nôt verdrôz! |