einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6335 und geschach im als ouch iu geschiht.wan dâne ist widerrede niht irn müezet morgen vehten mit zwein des tiuvels knehten. die sint alsô manhaft,6340 und hetet ir sehs manne kraft, daz wære ein wint wider in. got eine mac iu helfen hin, ob er imz enblanden wil: wand im ist nihtes ze vil:6345 ezn kan ouch âne in niht geschehen. wir müezen morgen an iu sehen den jâmer unz an dise vrist an manegem hie geschehen ist. Sus kam mîn herre her geriten6350 und solde mit in hân gestriten. sîn wille unde sîn muot was gereit unde guot: done was sîn alter vür wâr niuwan ahtzehen jâr,6355 und was des lîbes alsô kranc |