einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein7889 der mir unser herre gan,die kêr ich alle dar an, beide lîp unde guot, daz ich im ir zornmuot vertrîbe, ob ich iemer mac.7894 des enpfâch mînen hantslac.' Dô sprach aber vrou Lûnete 'ir sît süeze und iuwer bete. welch guot wîp wære von den siten, die ir ze vlîze woldet biten,7899 diu iht versagen kunde einem alsô süezen munde? ob es iu âne valschen list ernest wirt ode ist, sô muoz er wol ir hulde hân.7904 ichn mac iuch des niht erlân irn geheizet imz mit eide ê daz ich von iu scheide.' des eides was sî vil gereit. vrou Lûnete gap den eit,7909 und wart vil gar ûz genomen |