einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4082 si riten an dirre stunt.""war sint si?" "deist mir unkunt." dô twanc in sîn untriuwe ze grôzer herzeriuwe. dem slâfe vluochte er sêre. 4087 er sprach: "mir enwas êre niht ze teile getân, daz ich sus verlorn hân daz schœniste wîp durch gemach die mîn ouge ie gesach, 4092 vremde oder kunde. vervluochet sî diu stunde daz ich hînaht entslief." nâch den rossen er dô rief. er sprach: "swer sîne sache 4097 wendet gar ze gemache, als ich hînaht hân getân, dem sol êre abe gân unde schande sîn bereit. wer gewan ie vrumen âne arbeit? 4102 mir ist geschehen vil rehte." |