Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2397 dâ bî erkande ich harte wol
        daz sîn herze ist leides vol:
        wan dâ enzwîvel ich niht an
        umbe einen sô geherzen man,
        swâ dem ze weinenne geschiht,
2402 daz ist âne herzeriuwe niht,
        als ich in hiute weinen sach.'
         Diu vrouwe trûriclichen sprach:
        'ouwê mîns lieben herren!
        waz mac im danne werren?
2407 mir ist sînes kumbers niht mê kunt:
        wan er ist junc und gesunt
        und rîch ze guoter mâze.
        dar zuo ich niene lâze
        ich envâre sîns willen als ich sol.
2412 dêswâr des mac mich lüsten wol,
        wande er daz wol verschulden kan.
        hât dehein wîp tiurern man,
        dêswâr daz lâze ich âne zorn:
        wande er enwart weizgot nie geborn.
2417 ouwê mir armen wîbe!
[ zurück ]