Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5135 mit ten ich dâ strîten sol:
        ich getrûwe abe in des wol,
        mugen sî mirz an erstrîten,
        sine lânt mich niender rîten.'
        dô bat dâ man unde wîp
5140 daz got sîn êre und sînen lîp
        vriste und behuote:
        mit lîbe und mit guote
        stüenden sî im ze gebote.
        alsus bevalch er sî gote.
5145 Im wârn die wege wol kunt,
        und was ouch deste kurzer stunt
        zuo der kapellen komen.
        dô was diu juncvrouwe genomen
        her ûz dâ sî gevangen lac
5150 (wand ez was wol um mitten tac),
        und wâren ir in den stunden
        die hende gebunden,
        ir cleider von ir getân
        und niuwan ir hemde an verlân,
5155 und diu hurt was bereit
[ zurück ]