einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein7341 ze sînem hoverehte.dise guoten knehte die hâten dem langen tage mit manegem rîterlîchen slage nâch êren ende gegeben,7346 und stuont noch ûf der wâge ir leben, unz daz diu naht ane gienc und ez diu vinster undervienc. Sus schiet sî beide diu naht, und daz ir ietweders maht7351 wol dem andern was kunt, daz sî beide dâ zestunt an ein ander genuocte. und sîtz sich wol gevuocte daz sîz mit êren mohten lân,7356 sô liezen sîz wol understân unz an den anderen tac. sî tâten als er ie pflac der ie rehten muot gewan: swie leide dem biderben man7361 von dem anderen geschiht, |