einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5159 waz starker liste an ir verdarpunde vremder sinne! si was ein gotinne. man enmac diu wunder niht gesagen von ir, man muoz ir mê verdagen, 5164 der diu selbe vrouwe phlac. doch sô ich meiste mac, sô sage ich waz si kunde. swenne si begunde ougen ir zouberlist, 5169 sô hâte si in kurzer vrist die werlt umbevarn dâ unde kam wider sâ. ich enweiz wer siz lêrte. ê ich die hant umb kêrte 5174 oder zuo geslüege die brâ, sô vuor si hin und schein doch sâ. si lebete ir vil werde: in lufte als ûf der erde mohte si ze ruowe sweben, 5179 ûf dem wâge und drunder leben. |