Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2125 von Cantwarje ûz Engellant.
        dô huop sich dâ ein hôchzît
        daz man ir vollen lop gît.
        dâ erschein dehein armuot.
        dâ was sô manec ritter guot
2130 daz ich iu ze einer mâze
        wil sagen von ir vrâze:
        wan si ahten mêre
        ûf ander êre
        danne daz si vræzen vil.
2135 dâ von ich iu kurze wil
        gesagen von der wirtschaft.
        dâ was alles des diu überkraft
        des liute und ros solden leben:
        des wart in âne mâze gegeben,
2140 wan daz man des næme
        als es menneclîch zæme.
        bûhurt, tanzen huop sich hie,
        sô der imbîz ergie,
        unde werte unz an die naht.
2145 sô wart dâ trûren bedaht.
[ zurück ]