Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6282 nû enmohte im diu guote
        vor grôzem unmuote
        und vor herzensêre
        gantwurten mêre.
        si sprach sô si daz herze twanc:
6287 "lât, herre, die rede lanc:
        herre, lât iuwern spot
        mit mir armen durch got.
        und sît ir rîche, deist iu guot.
        erkennet, herre, mînen muot.
6292 des wil ich iu kurze bejehen:
        ez enmac nimmer geschehen
        daz ich iuwer wîp werde
        ode iemens ûf der erde
        über kurz od über lanc:
6297 ez geschæhe sunder mînen danc,
        mir engebe got wider mînen man.
        den êrsten den ich ie gewan,
        der müeze mir ouch der jungest sîn.
        geloubetz, herre, ez wirt wol schîn."
6302 der grâve sprach zen rittern dô:
[ zurück ]