Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6500 immer gerne trîben.
        ich rietez allen wîben,
        wanz enmöhte in niht gewerren
        daz si einen rîchen herren
        næmen vür einen selhen man.
6505 iuwer tumpheit ich iu verban.
        nû ezzet durch den willen mîn."
        dô sprach diu edel künegîn:
        "herre, ir habet mir genuoc gesaget,
        daz wære doch als guot verdaget.
6510 vil kurze ich iu antwürten wil.
        ir muget wol rede verliesen vil.
        bî dem eide geloubet daz,
        in mînen munt kumt nimmer maz,
        mîn tôter man enezze ê."
6515 nû enmohte der grâve mê
        im selben meister sîn,
        er entæte sîn untugent schîn:
        sîn zorn in verleite
        ze grôzer tôrheite
6520 [und ûf grôzen ungevuoc,]
[ zurück ]