einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1547 'sun, mir saget vil maniges muntdem ze ritterschaft ist kunt: swer ze schuole belîbe unz er dâ vertrîbe ungeriten zwelf jâr,1552 der müeze iemer vür wâr gebâren nâch den phaffen. dû bist vil wol geschaffen ze einem gotes kinde und ze kôrgesinde:1557 diu kutte gestuont nie manne baz.' 'Herre, nû versuochet ouch daz und gebet mir ritterlîche wât: dêswâr ob si mir missestât, sô gan ich ir wol eim andern man1562 und lege die kutten wider an. herre, iu ist vil wâr geseit: ez bedarf vil wol gewonheit, swer guot ritter wesen sol. ouch hân ich ez gelernet wol1567 von kinde in mînem muote hie: |