einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3625 mit schœnem gruoze er in emphie.als er si zuo rîten sach, er gienc engegen in unde sprach: "willekomen, vrouwe und herre" und bat si vil verre 3630 daz si in dâ mite êrten und ûf sîn hûs kêrten und daz si wolden dâ bestân. "herre, des sult ir uns erlân" sprach der ritter Êrec: 3635 "uns hât der lange wec getân unhovebære: von müede sîn wir swære. iuwern genâden sî genigen und des mit hulden verzigen. 3640 ir sult uns ze disen zîten ze gemache lâzen rîten." urloubes begunden si dô gern unz er sis muoste gewern. einen knaben er sich dô wîsen bat 3645 zem tiuristen wirte in die stat. |