einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2909 ze swederer sîtener sînhalp sach, sô vreute er sich, wan ir beider lîp was wünneclich. sîn sun geviel im wol, als einem man sîn kint sol, 2914 des schœne wol gerâten hât und alsô gar ze lobe stât: doch geviel im vrouwe Ênîte baz. wol bescheinte er in daz: er vuorte si heim ze Karnant 2919 unde gap dô sîn lant in ir beider gewalt, daz er ze künege wære gezalt und daz si wære künegîn: er hiez si beide gewaltic sîn. 2924 Êrec was biderbe unde guot, ritterlîche stuont sîn muot ê er wîp genæme und hin heim kæme: nû sô er heim komen ist, 2929 dô kêrte er allen sînen list |