Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

428 der alte wirt hiez Koralus
      und diu hûsvrouwe sus,
      Karsinefîte,
      ir tohter Ênîte.
      swen dise edeln armen
433 niht wolden erbarmen,
      der was herter dan ein stein.
      der juncvrouwen œheim
      was der herzoge Îmâîn,
      des diu hôchzît solde sîn,
438 der herre von dem lande.
      ir geburt was âne schande.
      nû sagen wir ouch dâ bî
      von wiu diu rede erhaben sî.
      dô daz pherit was begangen,
443 "nû enlât iuch niht belangen"
      sprach der wirt zem gaste.
      Êrecken muote vaste
      sîn schade den er dâ vor gewan:
      den wirt er vrâgen began
448 waz der schal von den liuten
[ zurück ]