Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Gregorius

1415 ich enhœre si weizgot niemer mê,
        wande ich niht langer hie bestê.
        jâ vinde ich eteswâ daz lant
        daz dâ niemen ist erkant
        wie ich her komen bin.
1420 ich hân die kunst und ouch den sin,
        ich genise wol, und wil ez got.
        sô sêre vürhte ich den spot:
        ich wolde ê sîn dâ nieman ist,
        ê daz ich über dise vrist
1425 belibe hie ze lande.
        jâ vertrîbet mich diu schande.
        diu wîp sint sô unverdaget:
        sît si ez eines hât gesaget,
        sô wizzen ez vil schiere
1430 drîe unde viere
        und dar nâch alle die hie sint.'
         Der abbet sprach: 'vil liebez kint,
        nû lose: ich wil dir râten wol
        als ich mînem lieben sol
1435 den ich von kinde gezogen hân.

[ zurück ]