Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ę | g | h | i | î | j | k | l | m |
| n | o | ô | ś | p | q | r | s | t | u | ü | ű | w | z |

[ zurück ]

Gregorius

480 ob wir zer helle sîn geborn,
      wande ez an unser missetât
      deheiner slahte schulde hât.'
       Nu begunde sîn herze wanken
      in manigen gedanken.
485 ein wîle er swîgende saz.
      er sprach: 'swester, gehabe dich baz.
      ich hân uns vunden einen rât
      der uns ze staten gestât
      ze verhelne unser schande.
490 ich hân in mînem lande
      einen harte wîsen man
      der uns wol gerâten kan,
      den mir mîn vater ouch beschiet
      und mir an sîne lęre riet,
495 dô er an sînem tôde lac,
      wande er ouch sînes râtes phlac.
      den neme wir an unsern rât
      (ich weiz wol daz er triuwe hât)
      und volge wir sîner lęre:
500 sô gestât unser ęre.'

[ zurück ]