Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1814 den tôt sol mir got senden,
        daz ich nâch mînem herren var.
        dû verliusest mich gar,
        ob dû iemer man gelobest
        neben im: wan dû tobest.'
1819 Dô sprach aber diu maget
        'iu sî doch ein dinc gesaget,
        daz man iedoch bedenken sol,
        ir vervâhetz übel ode wol.
        ezn ist iu niender sô gewant,
1824 irn wellet iuwern brunnen und daz lant
        und iuwer êre verliesen,
        sô müezet ir etewen kiesen
        der iun vriste unde bewar.
        manec vrum rîter kumt noch dar
1829 der iuch des brunnen behert,
        enist dâ nieman der in wert.
        und ein dinc ist iu unkunt:
        ez wart ein bote an dirre stunt
        mînem herren gesant:
1834 dô er in dô tôten vant