einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein2431 suln diu mit liebe lange leben,den hât er vreuden vil gegeben. daz was allez wænlich dâ. hie huop sich diu brûtlouft sâ. des tôten ist vergezzen:2436 der lebende hât besezzen beidiu sîn êre und sîn lant. daz was vil wol zuo im bewant. ezn wart vordes noch sît volleclîcher hôchzît2441 in dem lande nie mêre. dâ was wünne und êre, vreude und michel rîterschaft und alles des diu überkraft des man zem lîbe gerte.2446 ir rîterschaft diu werte unz daz in daz lant vuor der künec Artûs, alser swuor, zuo dem brunnen mit her. dô bedorfter guoter wer:2451 im entoht ze herren niht ein zage. |