Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

3148 daz iuwer ende niht ergienc,
        des wil ich iemer riuwec sîn:
        wan diu schult ist älliu mîn;
        wan daz ichz durch triuwe tete.
        ez vuocte mîn rât und mîn bete
3153 daz sî leit und ungemach
        verkôs der ir von iu geschach:
        wand ich het ir ze vil geseit
        von iuwer vrümekheit;
        unz daz sî iu mit vrîer hant
3158 gap ir lîp unde ir lant,
        daz ir daz soldet bewarn.
        nû hânt ir sô mit ir gevarn
        daz sich ein wîp wider die man
        niemer ze wol behüeten kan.
3163 deiswâr uns was mit iu ze gâch.
        dâ stüende bezzer lôn nâch
        dan der uns von iu geschiht:
        ouch gehiezet irs uns niht.
         Mîner vrouwen wirt wol rât,
3168 wan daz ez lasterlîchen stât,

[ zurück ]