Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3518 ich hete geburt unde jugent,
        ich was schœne unde rîch
        und disem lîbe vil unglîch,
        ich was hövesch unde wîs
        und hân vil manegen herten prîs
3523 ze rîterschefte bejaget,
        hât mir mîn troum niht missesaget.
        ich bejagte swes ich gerte
        mit sper und mit swerte:
        mir ervaht mîn eines hant
3528 ein vrouwen und ein rîchez lant;
        wan daz ich ir doch pflac,
        sô mir nû troumte, unmanegen tac,
        unz mich der künec Artûs
        von ir vuorte ze hûs.
3533 mîn geselle was her Gâwein,
        als mir in mînem troume schein.
        sî gap mir urloup ein jâr
        (dazn ist allez niht wâr):
        do beleip ich langer âne nôt,
3538 unz sî mir ir hulde widerbôt:
[ zurück ]