Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3697 und wart als ê ein schœne man.
        vil schiere man im dô gewan
        daz beste harnasch daz man vant
        und daz schœnest ors über al daz lant.
        sus wart bereitet der gast
3702 daz im nihtes gebrast.
         Dar nâch eines tages vruo
        dô sâhen sî dort rîten zuo
        den grâven Âliers mit her:
        ouch sazten sich ze wer
3707 die rîter vonme lande
        unde ir sarjande,
        unde mîn her Îwein
        zaller vorderest schein.
        sî wârn ê vaste in getân,
3712 und heten joch die wer verlân,
        und alsô gar überriten
        daz sî von vrävellîchen siten
        vil nâhen wâren komen:
        nû wart der muot von in genomen,
3717 dô sî den gast sâhen
[ zurück ]