einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9754 diu vreude ûf Brandigân.diz was von schulden getân. wan alsô schiere diz erschal in daz lant über al, von selhem mære 9759 daz des hoves vreude wære widere gewunnen der in was zerunnen, des küneges mâge und dienestman die vuoren ze hove alle dan 9764 mit den lantvrouwen die niuwen genâde schouwen. hie samenten sich die besten. der wirt mit sînen gesten, die er dar mohte bringen, 9769 erbiten und betwingen, si macheten ein hôchzît diu mit wirtschefte sît werte vier wochen. mit vreuden wirt zebrochen 9774 diu swære gewonheit |