einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9108 si minneten sunder bette:diu minne stuont ze wette, sweder nider gelæge, dem wart der tôt wæge. mit scheften si sich kusten 9113 durch schilte zuo den brusten mit selher minnekrefte daz die eschînen schefte kleine unz an die hant zekluben und daz die spiltern ûfe stuben. 9118 mit der manne laste kâmen diu ros sô vaste zesamene gestôzen daz den kamphgenôzen wurden ir houbet 9123 vil sêre betoubet und daz diu ros gelîche an daz ertrîche hinder sich gesâzen. die zoume wurden lâzen, 9128 und erbeizten zuo der erde. |