Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9108 si minneten sunder bette:
        diu minne stuont ze wette,
        sweder nider gelæge,
        dem wart der tôt wæge.
        mit scheften si sich kusten
9113 durch schilte zuo den brusten
        mit selher minnekrefte
        daz die eschînen schefte
        kleine unz an die hant zekluben
        und daz die spiltern ûfe stuben.
9118 mit der manne laste
        kâmen diu ros sô vaste
        zesamene gestôzen
        daz den kamphgenôzen
        wurden ir houbet
9123 vil sêre betoubet
        und daz diu ros gelîche
        an daz ertrîche
        hinder sich gesâzen.
        die zoume wurden lâzen,
9128 und erbeizten zuo der erde.
[ zurück ]