Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

634 daz dir die frouwen wesen holt.
      Dû muost mit herten dingen
      nâch ir hulden ringen.
      beide sêle unde lîp
      muoz man wâgen durch diu wîp,
639 swer sô lônes an sî gert.
      er ist sîn anders ungewert.
      Daz ist alsô her komen.
      ouch hâst dû daz wol vernomen,
      dîn herze enwendet dich sîn niht.
644 swaz ouch dir lasters geschiht,
      des endarft dû an mich niht jehen;
      wan ich lâze dich wol sehen,
      wilt dû sîn haben mînen rât,
      daz dir niemer missegât,
649 dir engeschehe älliu êre.
      dû klagest von grôzem sêre
      und lebest müelîchen;
      ja enmac sich niht gelîchen
      unser kumber den wir tragen.
654 dû maht wol swîgen, lâ mich klagen.

[ zurück ]