Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

928 sô verre über sînes herzen rât.
      Ez was ie ungewonlich.
      dâ von sô enweiz ich
      waz der an mir richet
      der iemer daz gesprichet,
933 swa er dîne missetât gesiht,
      daz er dâ zehant giht
      daz ez ein valschez herze tuo.
      dâ kume ich wunderlîchen zuo.
      und verwizze man mir ez niht,
938 swaz lasters dir geschiht,
      daz het ich schiere verklaget.
      doch swaz ieman nû saget,
      sô weiz daz unser herre Krist
      daz ez âne mîne schulde ist
943 und daz mir unrehte geschiht,
      ob joch sîn nieman giht.
      Uns dienet niht gelîcher muot.
      daz mir den meisten schaden tuot
      daz ist daz mir nieman wil
948 gelouben lützel noch vil.
[ zurück ]