einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6303 "diu wîp suln reden alsô.dâ von man irz niht wîzen sol: si bekêret sich wol von ir unmuote. ich bringez wol ze guote." 6308 der vrouwen was er vil vrô. die knehte hiez er houwen dô, alle die dâ wâren, eine rosbâren. diu wart vil schiere bereit. 6313 dar ûf wart dô geleit Êrec vür einen tôten man. ûf Lîmors vuorten si in dan, und gewan im ze wahte alle die er mahte 6318 und hiez im lieht gewinnen diu ob im solden brinnen unz daz man in begrüebe. bitterlîcher trüebe gienc vrouwen Ênîten nôt, 6323 wan si hâte in vür tôt. |