Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1800 jâ ist mîn gir noch merre
        zuo der verte dan ê.
        ich engeruowe niemer mê
        und wil iemer varnde sîn,
        mir entuo noch gotes gnâde schîn
1805 von wanne ich sî oder wer.'
        'sun, des bewîse dich der
        der dich nâch im gebildet hât,
        sît dû verwirfest mînen rât.'
         Ein schef wart im gereite,
1810 dâ man im an leite
        zem lîbe volleclîchen rât,
        spîse, sîn golt, sîne wât.
        und dô er ze scheffe gie,
        der abbet begap in nie
1815 unz er an daz schef getrat.
        alsus rûmde er daz stat.
        swie sêre sî gescheiden diu tugent
        under alter und under jugent
        so ergie doch von in beiden
1820 ein jæmerlîchez scheiden.
[ zurück ]