einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2470 die er sus hât verborgen.'Dô er nâch sîner gewonheit ze walde birsen reit, dô tet si alsô drâte nach der mägede râte2475 und gie dâ si die tavel vant und erkande si zehant, daz ez diu selbe wære (als man iu an dem mære ouch dâ vor seite)2480 die si zir kinde leite. und als si dar an gelas daz si aber versenket was in den vil tiefen ünden tœtlîcher sünden,2485 dô dûhte si sich unsælic genuoc. zuo den brüsten si sich sluoc und brach ûz ir schœne hâr. si gedâhte daz si vür wâr zuo der helle wære geborn2490 und got hæte verkorn |