einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3021 daz er im deheines gemachessô vil sô des obedaches in sînem hûse engunde. sîn wîp im enkunde mit allen ir sinnen3026 daz niht an gewinnen daz er dar inne wære beliben. er wart en hundes wîs ûz getriben an den hof vür die tür. dâ gie er vrœlichen vür.3031 Des nahtes wart er geleit wider sîner gewonheit in ein sô armez hiuselîn daz ez niht armer enmöhte sîn: daz was zevallen, âne dach.3036 man schuof dem vürsten selh gemach der vil gar unmære sînem aschman wære. er vant dar inne swachen rât, weder strô noch bettewât:3041 im truoc daz guot wîp dar in |